|
(Seite 52)
bericht wurden: beiden gemeinden vns vnd denen von Vbach, zu glei =
chem gebrauch leigen blieben, haben vnser vihe beiderseits daruff
gedrieben, gewenth, vnd gekert, nach vnserm gefallen, vnd kein
theil dem andern einige verhinderung gethan. Dem zuwider ha =
ben sich die von Vbach nit enthalten, dissen gemeinen platz vnder
sich getheilt, denen befruchtigt, vns zue abbruch vnd schaden. Dan
wan schon gemelter platz denen von Vbach allein zustendig ge =
west, als nit gestanden wirt, vnd wir daran kein theil gehabt,
So hett Inen doch nit geburt, solichen platz, als ein gemein gutt,
dermaßen zuuertheylen. Darumb an v. g. ( Euer g.) vnser
vnderthenigs bitten, E. g. wollen die beilagten von Irem
vornemen abhalten vnd vnderweisen, den platz zu gemei =
nem gebrauch leigen lassen, vns daran mit Inen, wie von al =
tem her gescheen, mit zuhindern, des verhoffens v. g. werden
vns bei hergebrachtem gnediglich hanthaben, Ein g. antwort.
Datum Freitags nach Jaiobi a ° plv. = 1545
Gemeinde von Breidtscheidt.
Langenaubach antwortet:
Wolgebornner gnediger Herr, vff der gemeinde von Breitscheit ver =
lesen Klag zu Antworten, geben V. G. wir vndertheniglich zuerken =
nen, wie das das angezeigt Stück in vnser marck gelegen, vnd
von der Breitscheitter marck gantz vnd ghar abgemarsteynt, die
Steyne sich auch in dem lesten gange In biewesen beider Schult =
heißen Herborn vnd Heiger offentlich funden, Darumb gene =
diger Herr, (sind wir) den ilegern an vnserm vermelten Stück
nichts gestendig, das sie einigen gebrauch daran haben sollen,
dan(n) die weide sie mit vns, so es vrlaß (urlos), müßig ge =
legen, genutzt haben. Das ist mit vnserm gueten willen be =
scheen, han wir damit ondanck verdient, wollen wir vns
hinfurter darfür mehr hueten, vnd bitten damit v. g. vns bie
vnser marck vnd dem gedachten Stück darin, g. (nädigst) zu hant =
haben mit bit g. bescheits. Datum Sontag nach vincula petri
(Petri Kettenfeier) Anno D plv. ( Es war der 2. Aug. 1545 )
Die Gemeinde von Langen Vbach.
" Die von Breitschit stosent mit keyner gemeinde an vns ( d. h. nicht
mit Gemeindeeigentum ) dan allein mit ieren eigen guetern vnd
lehen guetern ( die sin ) von Junckern zu lehen haben, daß sie selbst
gestanden (haben)....."
ab hier Seite 53
|